రాజ్యసభ సభ్యులు జోగినిపల్లి సంతోష్ కుమార్ ప్రారంభించిన గ్రీన్ ఛాలెంజ్ కు అధ్బుతమైన స్పందన వస్తోంది. గ్రీన్ ఇండియా ఛాలెంజ్ లో భాగంగా వరంగల్ జిల్లా తూర్పు ఎమ్మెల్యే నన్నపనేని నరేందర్ మొక్కలు నాటారు. వరంగల్ ఆర్ ఈ సీ ఏరియా లోని తార గార్డెన్ లో 3 మొక్కలు నాటారు.
ఈసందర్బంగా ఎమ్మెల్యే నన్నపనేని మాట్లాడుతూ… నా మిత్రులు రాజ్యసభ సభ్యులు సంతోష్ కుమార్ ఒక అద్భుతమైన కార్యక్రమం చేపట్టారని అన్నారు. ఇంతకుముందు గ్రీన్ ఇండియా ఛాలెంజ్ లో పది వేల మొక్కలు నాటాను అని , కానీ సంతోష్ కుమార్ లక్ష్యం పది కోట్ల మొక్కలు నాటే వరకు నా వంతుగా ఎక్కడ కార్యక్రమం జరిగిన మొక్కలు నాటుతానని తెలిపారు.
సీఎం కేసీఆర్ ప్రవేశపెట్టిన హరితహారం లో భాగంగా అడవులు పెంచడం వల్ల దేశానికి ఆదర్శంగా ఉంది అని , దీని వల్ల భవిష్యత్ తరాలకు చక్కటి ఆక్సిజన్ అందుతుంది అని అన్నారు . ఈ సందర్భంగా ఎంపీ సంతోష్ కుమార్ కు ప్రత్యేక అభినందనలు తెలిపారు. గ్రీన్ ఛాలెంజ్ సవాల్ మరో ముగ్గురికి విసిరారు ఎమ్మెల్యే నన్నపనేని నరేందర్. రాజ్యసభ సభ్యులు బండ ప్రకాష్ , వరంగల్ వెస్ట్ ఎమ్మెల్యే వినయ్ భాస్కర్ , వరంగల్ మేయర్ గుండా ప్రకాష్ లకు ఈ ఛాలెంజ్ స్వీకరించాల్సిందిగా కోరారు.
