ఐపీఎల్ రాయల్ ఛాలెంజర్స్ బెంగళూరు జట్టు కెప్టెన్ విరాట్ కోహ్లీకి రూ.12 లక్షల జరిమానా విధించింది ఐపీఎల్ యాజమాన్యం. బుధవారం చెన్నైతో జరిగిన మ్యాచ్లో స్లో ఓవర్ రేటు నమోదు కావడంతో కోహ్లీకి జరిమానా విధించారు. ఐపీఎల్ కోడ్ ఆఫ్ కండక్ట్ ప్రకారం నిర్ణీత సమయంలోగా ఓవర్లు పూర్తి కావాలి… కానీ నిన్నటి మ్యాచ్లో ఆర్సీబీ నిర్ణీత సమయంలో ఓవర్లు పూర్తి చేయనందున జరిమానా విధిస్తున్నామని ఐపీఎల్ యాజమాన్యం తెలిపింది.
మొదట బ్యాటింగ్ చేసిన ఆర్సీబీ డికాక్(53), ఏబీ డివిలియర్స్(68) రాణించడంతో 20 ఓవర్లలో 8 వికెట్ల నష్టానికి 205 పరుగులు చేసింది. భారీ లక్ష్యఛేదనతో బరిలోకి దిగిన చెన్నై సూపర్ కింగ్స్ అంబటి రాయుడు(82), మహేంద్రసింగ్ ధోని(70 నాటౌట్) విజృంభించడంతో రెండు బంతులు మిగిలి ఉండగానే విజయాన్ని నమోదు చేసింది. ఇప్పటికే ఆరు మ్యాచ్లు ఆడిన ఆర్సీబీ రెండింటిలో మాత్రమే విజయం సాధించింది. మరోవైపు చెన్నైఆరు మ్యాచులకు ఐదింటిలో విజయం సాధించి పాయింట్ల పట్టికలో మొదటి స్థానంలో ఉంది. ఆర్సీబీ 6వ స్థానంలో ఉంది.
