మొక్కలు నాటిన హీరో బెల్లంకొండ శ్రీనివాస్

ముఖ్యమంత్రి కేసీఆర్ ప్రతిష్టాత్మకంగా చేపట్టిన హరిత హారం కార్యక్రమానికి స్పూర్తిగా రాజ్యసభ సభ్యులు జోగినిపల్లి సంతోష్ కుమార్ గ్రీన్ ఛాలెంజ్ కార్యక్రమాన్ని ప్రారంభించారు. ఇప్పటికే నాలుగు కోట్ల మైలు రాయిని పూర్తి చేసుకున్న ఈ గ్రీన్ ఛాలెంజ్ కార్యక్రమం మరింత విజయవంతంగా కొనసాగుతుంది.

తాజాగా హీరో బెల్లంకొండ శ్రీనివాస్ తన పుట్టిన రోజు సందర్భంగా లాంకో హిల్స్ సమీపంలో మొక్కను నాటారు. పర్యావరణాన్ని రక్షించుకోవడానికి మొక్కలు నాటడం మన బాధ్యత అని హీరో బెల్లంకొండ శ్రీనివాస్ అన్నారు. ఈ కార్యక్రమాన్ని ప్రారంభించిన ఎంపీ జోగినిపల్లి సంతోష్ కుమార్ కు అభినందనలు తెలిపారు. ఈ కార్యక్రమంలో హీరోయిన్ నభా నటేశ్, కాదంబరి కిరణ్ తదితరులు పాల్గొన్నారు.