రజినీకాంత్‌ తరువాత అంతటి పేరు ఉన్న హీరో విజయ్. ప్రస్తుతం విజయ్ మురుగదాస్‌ దర్శకత్వంలో తెరకెక్కుతున్న సర్కార్‌ సినిమాలో నటిస్తున్నారు. ఈ సినిమా ఫస్ట్‌ లుక్‌లో విజయ్ చేసిన హంగామా అంతాఇంతా కాదు. సర్కార్‌ సినిమాలో విజయ్ తమిళనాడు ముఖ్యమంత్రిగా కనించబోతున్నారు. ఈ సినిమాకు ఏఆర్‌ రెహ్మాన్‌ సంగీతం అందిస్తుండడంతో ఈ సినిమాపై ప్రేక్షకుల్లో భారీగా అంచనాలు నెలకొన్నాయి. చిత్ర టీజర్‌ను త్వరలోనే రిలీజ్‌ చేయనున్నట్టుగా ప్రటించింది చిత్ర యూనిట్.
విజయదశమి కానుకగా అక్టోబర్‌ 19 న విజయ్ సర్కార్‌ టీజర్‌ను రిలీజ్‌ చేస్తున్నట్టుగా చిత్రయూనిట్‌ అధికారికంగా ప్రకటించింది. విజయ్ సరసన కీర్తి సురేష్‌ నటిస్తుండగా మరో కీలక పాత్రలో నటి వరలక్షీ శరత్‌ కుమార్‌ కనిపించనున్నారు. శరవేగంగా షూటింగ్‌ జరుపుకుంటున్న ఈ సినిమా ప్రమోషన్‌ కార్యక్రమాలను కూడా ప్రారంభించింది చిత్రయూనిట్‌. ఈ సినిమా షూటింగ్‌ ప్రారంభమైన రోజే రిలీజ్‌ డేట్‌ను ప్రకటించడంతో ప్రమోషన్‌ కార్యక్రమాలను కూడా పక్కాగా ప్లాన్‌ చేస్తున్నారు.
మురగదాస్‌, విజయ్ కాంబినేషన్‌లో ఇదివరకు వచ్చిన కత్తి, తుపాకి సినిమాలు భారీ విజయాలను సాధించడంతో సర్కార్‌పై మంచి అంచనాలు ఉన్నాయి. నవంబర్‌ 6న ప్రేక్షకుల ముందుకు రాబోతున్న ఈ సినిమా. పొలిటికల్ థ్రిల్లర్‌ గా ప్రేక్షకులను ఏ మేరకు ఆకట్టుకుంటుందో చూడాలి.
