కమెడియన్ గా కెరీర్ ఆరంభించి తరువాత హీరోగా సినిమాలు చేసిన వారిలో నటుడు సప్తగిరి ఒకరు.’సప్తగిరి ఎక్స్ ప్రెస్’అంటూ హీరోగా అతడు నటించిన తొలి సినిమా ఓ మోస్తరు విజయాన్ని అందుకుంది. ఇక రెండో సినిమాగా ‘సప్తగిరి ఎల్ఎల్ బి’ అనే సినిమాలో నటిస్తున్నాడు. ఈ సినిమా త్వరలోనే ప్రేక్షకుల ముందుకు రానుంది.
ఇలా తను నటించిన రెండు సినిమాల్లో తన ఒరిజినల్ పేరు వచ్చే విధంగా టైటిల్ ను పెట్టారు మేకర్స్. ఇప్పుడు మూడో సినిమాకు కూడా అదే సెంటిమెంట్ ను ఫాలో అవ్వబోతున్నారు. ఆ టైటిల్ ఏంటంటే.. ‘సప్తగిరి వెడ్స్ సన్నీలియోన్’. ఇలా తన పేరిటే వరుసగా మూడు సినిమాలు చేసే అదృష్టం ఇండియాలో ఇంతవరకు ఏ ప్రాంతీయ భాషా నటుడికి కూడా దక్కి వుండకపోవచ్చు అంటున్నాయి సినీవర్గాలు. త్వరలో రిలీజ్ కానున్న సప్తగిరి ఎల్ఎల్‌బీ కానీ హిట్ అయితే, ఇక నాలుగో సినిమా పేరులోనూ సప్తగిరి కచ్చితంగా వుండే అవకాశాలు లేకపోలేదేమో!
ఈ టైటిల్ పేరు నిజమైతే .. ఈ టైటిల్ వేగంగా జనాల్లోకి వెళ్లిపోవడం ఖాయం. సన్నీ పేరును టైటిల్లోకి తెచ్చారంటే ఆమె ఈ సినిమాలో నటించినా నటించొచ్చేమో.
