భారత బౌలర్లు భేష్‌.. 162కే పాక్ ఆలౌట్..

31
India vs Pakistan

రోహిత్ శర్మ టీమ్ పాక్‌కు చుక్కలు చూపించింది. ఆసియా కప్‌లో టీమిండియా బౌలింగ్‌కు పాకిస్థాన్‌ బెంబేలెత్తిపోయింది. ఇండియన్ బౌలర్ల ధాటికి పాకిస్థాన్ కేవలం 43.1 ఓవర్లకు 162 పరుగులకు ఆలౌటైంది. బాబర్‌ ఆజామ్‌ (47; 62 బంతుల్లో 6×4), షోయబ్‌ మాలిక్‌ (43; 67 బంతుల్లో 1×4, 1×6) మాత్రమే అర్ధశతకాలకు చేరువయ్యారు. మిగతావారు పరుగులు చేయడంలో విఫలమయ్యారు. కేదార్‌ జాదవ్‌, భువనేశ్వర్‌ కుమార్‌ తలో 3 వికెట్లు తీయగా బుమ్రా 2 వికెట్లు తీశాడు.

Pakistan

ఆరంభంలో ఓపెనర్ల వికెట్లు తీసిన భువనేశ్వర్ పాక్‌కు షాక్ ఇచ్చాడు. ఆ తర్వాత బాబర్, మాలిక్‌లు కొంత నిలకడగా ఆడారు. అయితే ఆ ఇద్దరి భాగస్వామ్యానికి బ్రేక్ పడిన తర్వాత ఇక పాక్ కోలుకోలేదు. భారీ స్కోర్ సాధిస్తుందని ఆశించిన పాక్.. తక్కువ స్కోర్‌కే చేతులెత్తేసింది. 163 ర‌న్స్ టార్గెట్‌తో భార‌త్ మ‌రికాసేప‌ట్లో బ్యాటింగ్ ప్రారంభించ‌నుంది.