రేపు తెలుగు రాష్ట్రాల సీఎంలు భేటీ

తెలుగు రాష్ట్రాల ముఖ్యమంత్రులు కేసీఆర్, జగన్మోహన్ రెడ్డి రేపు భేటీ కానున్నారు. తెలంగాణ సీఎం క్యాంపు ఆఫీస్ ప్రగతి భవన్ లో వీరివురు సమావేశం కానున్నారు.

గోదావరి జలాలను శ్రీశైలం రిజర్వాయర్‌కు తరలించే అంశంతోపాటు, అపరిష్కృతంగా ఉన్న విభజన సమస్యలపై ఈ సమావేశంలో చర్చించనున్నారు. కృష్ణా గోదావరి నదుల అనుసంధానంపై చర్చించనున్నారు.హైదరాబాద్‌లో ఈ భేటీ జరగనున్నట్లు తెలుస్తోంది. సీఎంలు కేసీఆర్,జగన్‌లతో పాటు ఇరు రాష్ట్రాల ఉన్నతాధికారులు కూడా పాల్గొనే అవకాశం ఉంది.

గతంలో జరిగిన సమావేశానికి కొనసాగింపుగా, ఇంజినీర్లు రూపొందించిన ప్రతిపాదనలపై చర్చించి ఈ సమావేశంలో ఓ నిర్ణయానికి వచ్చే అవకాశం ఉంది.