మన కవితక్క..పుట్టిన రోజు..!

ఆమె భారతదేశ రాజకీయ ఉద్యమకారిణి.
తెలంగాణ ప్రత్యేక రాష్ట్ర సాధనకోసం అనేక ఉద్యమాలు నడపడంలో క్రియాశీలక పాత్ర పోషించిన ఘనత ఆమెది.
తెలంగాణ సంస్కృతి, సంప్రాదాయాలను ప్రజలకు వివరించేందుకు తెలంగాణ జాగృతి సంస్థను స్థాపించిన సూత్రధారి.
అతి పిన్నవయసులోనే ఎన్నో ఉద్యమాలను నిర్వహించి, ప్రజాదారణ పొందిన ప్రజావాణి ఆమె.
తెలంగాణ ప్రత్యేక రాష్ట్ర సాధనకై..కృషి చేసి..ఇప్పుడు బంగారు తెలంగాణకోసం నిత్యం పాటుపడుతున్న ఆమే..కల్వకుంట్ల కవిత.

 నిజామాబాద్ ఎంపీ శ్రీమతి కవిత పుట్టినరోజు. 1978లో  మార్చి 13న కరీంనగర్ లో జన్మించారు కవిత. విద్య అనంతరం అమెరికా వెళ్లిన కవిత 2004లో ఉద్యమంలో పాల్గొనడానికి ఇండియా వచ్చారు. ఉద్యమాలు విజయం సాధించాలంటే అది సాంస్కృతిక రూపంలో కూడా ఐక్యత సాధించాలన్న ఉద్దేశంతో “తెలంగాణ జాగృతి సంస్థ”ను స్థాపించి తెలంగాణ పండుగలను విశ్వ వ్యాప్తంచేశారు. మరుగున పడిన బతుకమ్మ పండుగ ఈ రోజు బిగ్గెస్ట్ ఫ్లోరల్ ఫెస్టివల్ ఆఫ్ ఇండియాగా కొనియాడబడిందంటే అది కవిత ఘనతే అని చెప్పుకోవాలి.

అంతేకాకుండా మహిళ సంక్షేమ పథకాలకోసం గళం విప్పి,  ప్రతి రంగంలోనూ మహిళలు తమదైన ముద్రవేయాలని ఆకాంక్షించారు కవిత.  కేంద్ర మంత్రి వెంకయ్యనాయుడు సైతం పార్లమెంట్‌ లో అనర్గళంగా మాట్లాడిన కవితను చూసి ఆశ్చర్యపోయారు. పార్లమెంట్‌ లో గళంవిప్పి ప్రజావాణిని వినిపించిన కవితను అభినంధించనివారు లేరు అంటే..అతిశయోక్తికాదు.

సీఎం కేసీఆర్‌ ఉపన్యాసం వినడానికి జనం ఎలా తరలివస్తారో..కవిత ఉపన్యాసాలు కూడా జనాల్లో నూతన ఉత్సాహాన్ని కలిగించే విధంగా ఉంటాయని, కేసీఆర్‌ లా కవిత కూడా తనదైన శైలిలో జనాల్ని ఆకర్షించగలదని అందరి అభిప్రాయం.

కవిత పుట్టిన రోజు సందర్బంగా టీఆర్‌ఎస్ శ్రేణులు, మహిళ కార్యకర్తలు ఒక రోజుముందే..కవితకు పుట్టిన రోజు శుభాకాంక్షలు తెలిపారు. తెలంగాణ ఉద్యమంలో కవిత ఏవిధంగా చురుగ్గా పాల్గొన్నారో అదే విధంగా బంగారు తెలంగాణ సాధన కోసం కూడా పాటు పడుతుందన్నారు. అలాగే..బంగారు తెలంగాణ సాధణ కోసం ప్రతి ఒక్కరు ముందుకు రావాలని  కవిత చెప్పిన మాటలను వారు మరోమారు గుర్తుచేసుకున్నారు.

ఇప్పటికే శ్రీమతి కవిత జన్మదినాన్ని పురస్కరించుకొని ఆస్ట్రేలియా లోని మెల్బోర్న్, సిడ్నీ, కాన్బెర్రా, బ్రిస్బేన్ మరియు అడిలైడ్ పట్టణాలలో టీ.ఆర్.ఎస్ ఆస్ట్రేలియా అధ్యక్షుడు నాగేందర్ రెడ్డి కాసర్ల ఆధ్వర్యంలో వేడుకలు ఘనంగా నిర్వహించారు.

ప్రజల్లో తనదైన ముద్ర వేసుకున్న కవిత..తండ్రికి తగ్గ తనయురాలిగా జనంకోసం తన గళాన్ని విప్పుతూ..ప్రజల ఆశిస్సులలో ముందుకుసాగాలని కోరుకుందాం.!