మొలక మురుస్తున్నది
సంతన్న చిరునవ్వులా
మాను మేను చిగురిస్తున్నది
తన బిడ్డను తిరిగి చేరుకున్న అమ్మ మోములా
సీఎం కేసీఆర్ కలలహారం
హరిత మాలాధారుడై
సంతన్న పడుతున్న హరిత హారతి
వసంతపు వెలుగులను పంచుతూ
కాంక్రీటు జంగల్ లకు
ఆకుపచ్చని సోయి పెంచుతున్నది
చెట్టును కూల్చేసి
స్వచ్చతను పీల్చేసి
దావానలమై దహిస్తున్న మనిషి స్వార్థానికి
గ్రీన్ ఛాలెంజ్ విసురుతున్నది
చిరునవ్వుల చేతులతో
ప్రగతి భవన్ లో నాటుకున్న వో మొలక
ఇంతింతై వటవ్రుక్షమై
ప్రగతి పథాన విశ్వాంతరాన విస్తరిస్తోంది
అనాది చుట్టమైన అమ్మ చెట్టుకు
పునాది లేకుండా చేస్తూ
ప్రక్రుతిని చెరబడుతూ
విక్రుతంగా మారుతున్న మనిషికి
మాను’వత్వం నేర్పుతున్నది… గ్రీన్ ఛాలెంజ్
పంటి పుల్లయి
మింటికిల్లయి
కంటి చలువై
వంటి బలమై
ఆమ్మా’ అనే
అరుపువినగానే
ఆకు పసరై
మందు గోలై
ఎండకు చెత్తిరై
వానకు గుడిసై
అరకకు నాగలై
ఆకలికి అన్నమై
సర్వమై
తలుపై కొలుపై
కులవేల్పయి
వాయువై ఆయువై
సర్వాంతర్యామియైన
పచ్చని చెట్టు పరిరక్షణకు…
గ్రీన్ ఛాలెంజ్ విసురుతూ
వనాలు విడిచిన జన జీవితాల్లో
వసంతాలు మోసుకొచ్చేందుకు
ఆకుపచ్చని ధీక్షపట్టిన
వసంతన్నకు
వన సంతన్నకు
మనసంతా నిండిన
మనసంతన్నకు
హరితారిత వందనాలు
జై తెలంగాణ
జయహో కేసీఆర్
