“బ్రోచేవారెవరురా” టీజర్ చాలా ఫన్నీగా ఉంది..

293
Brochevarevarura Movie Teaser Launch
- Advertisement -

“మెంటల్ మదిలో” వంటి హిట్ చిత్రాన్ని అందించిన వివేక్ ఆత్రేయ బ్రోచేవారెవరురా అంటూ మరో డిఫరెంట్ కథా చిత్రాన్ని రూపొందిస్తున్నారు. శ్రీ విష్ణు హీరోగా నివేత థామస్ హీరోయిన్‌గా సత్యదేవ్, రాహుల్ రామకృష్ణ, ప్రియదర్శి ముఖ్య పాత్రదారులుగా మన్యం ప్రొడక్షన్ పతాకంపై విజయకుమార్ మన్యం ఈ చిత్రాన్ని నిర్మించారు. షూటింగ్ పూర్తిచేసుకున్న “బ్రోచేవారెవరురా” చిత్రం ప్రస్తుతం పోస్ట్ ప్రొడక్షన్ కార్యక్రమాలను జరుపుకుంటోంది. జూన్ లో ఈ చిత్రాన్ని విడుదల చేయనున్నారు.

Brochevarevarura Movie

ఈ చిత్రం టీజర్ రిలీజ్ ఏప్రిల్ 20న హైదరాబాద్ రామానాయుడు ప్రివ్యూ థియేటర్‌లో ఘనంగా జరిగింది. వరుస విజయాలతో దూసుకుపోతున్న హిట్ చిత్రాల దర్శకుడు అనిల్ రావిపూడి ముఖ్య అతిథిగా విచ్చేసి బ్రోచేవారెవరురా టీజర్‌ని రిలీజ్ చేశారు. అనంతరం ఏర్పాటైన ప్రెస్ మీట్‌లో హీరో శ్రీ విష్ణు, హీరోయిన్ నివేత థామస్, దర్శకుడు వివేక్ ఆత్రేయ, నటులు సత్యదేవ్, రాహుల్ రామకృష్ణ, ప్రియదర్శి, సంగీత దర్శకుడు వివేక్ సాగర్, ఎడిటర్ రవితేజ, నిర్మాత విజయకుమార్ మన్యం తదితరులు పాల్గొన్నారు.

హిట్ చిత్రాల దర్శకుడు అనిల్ రావిపూడి మాట్లాడుతూ.. శ్రీ విష్ణు అప్పట్లో ఒకడుండేవాడు మూవీకి క్లాప్ కొట్టాను.. ఆ సినిమా స్లోగా పికప్ అయి బాగా ఆడింది. ఈ సినిమా టీజర్ ఫన్నీగా హాంటింగ్ గా ఉంది. సినిమా పెద్ద హిట్ కావాలని కోరుకుంటున్నాను. దర్శకుడు వివేక్ ఆత్రేయ మొదటి సినిమాతోనే తన టాలెంట్ ని ప్రూవ్ చేసుకున్నాడు. ఈ చిత్రంలో నటించిన ఆర్టిస్టులందరికీ మంచి పేరు, కేరియర్ ఉండాలని… నివేత పెర్ఫార్మెన్స్ కి స్కోప్ ఉన్న పాత్రల్లో నటిస్తూ మంచి గుర్తింపు తెచ్చుకుంది. నిర్మాత విజయ్ మరిన్నీ మంచి చిత్రాలు నిర్మించాలని కోరుకుంటున్నాను.. అన్నారు.

Brochevarevarura Movie

హీరో శ్రీవిష్ణు మాట్లాడుతూ… వివేక్ ఫస్ట్ కథ చెప్పగానే బాగా నచ్చింది. టైటిల్ చెప్పగానే కొంచెం కన్ఫ్యూజ్ అయ్యాను. దాని అర్థం కాపాడేవాడు అని చెప్పగానే ఒకే చెప్పాను. నేను, ప్రియదర్శి, రామకృష్ణ అందరం చాలా నేచురల్‌గా నటించాం. అందరికీ కనెక్ట్ అవుతుంది. నిర్మాత విజయ్ కాంప్రమైజ్ కాకుండా అద్భుతమైన క్వాలిటితో ఈ చిత్రాన్ని నిర్మించారు. ఆయన మణ్యం పులిలా విజృంభిస్తూ మరిన్ని చిత్రాలు నిర్మించాలి.. అన్నారు.

హీరోయిన్ నివేత థామస్ మాట్లాడుతూ… ఈ చిత్రంలో బెస్ట్ టీమ్‌తో వర్క్ చేశాను. ఇందులో మంత్ర క్యారెక్టర్లో నటించాను. ఈ సినిమా ఈజీగా ప్రతి ఒక్కరికీ కనెక్ట్ అవుతుంది.. అన్నారు.

- Advertisement -