మరో కీలక నిర్ణయం తీసుకున్న ఏపీ సీఎం జగన్..

ఆంధ్రప్రదేశ్ రెండవ ముఖ్యమంత్రిగా బాధ్యతలు చేపట్టినప్పటినుంచి ముఖ్యమంత్రి జగన్ సంచలన నిర్ణయాలు తీసుకుంటున్నారు. తాజాగా మరో కీలక నిర్ణయం తీసుకున్నారు. మాజీ మంత్రులు, ఎమ్మెల్యేలకు గన్ మెన్ లను ఉపసంహరించారు. శనివారం రాత్రి హఠాత్తుగా ఈ నిర్ణయం తీసుకున్నారు. కర్నూల్ జిల్లా ఎస్పీ ఫకీరప్ప ఉత్తర్వులు జారీ చేశారు. ఎస్ఆర్ కమిటీ ఆదేశాల మేరకు ఈ నిర్ణయం తీసుకున్నట్లు తెలుస్తోంది.

ఇంతకుముందు మంత్రులందరికీ 2+2 చొప్పున భద్రత వ్యవస్థ ఉండేది. దీనికి తగ్గట్టుగానే ఎన్నికల ఓట్ల లెక్కింపు జరిగిన తరువాత కూడా ఇదే రక్షణను కొనసాగిస్తూ వచ్చారు. ఇప్పటికే కొన్ని జిల్లాల్లో మాజీలకు రక్షణ ఉపసంహరించుకున్న నేపథ్యంలోనే ఈ జిల్లాలో తాజాగా నిర్ణయాన్ని అమలు చేశారు. దీంతో జిల్లాలోని 14 మంది మాజీ ఎమ్మెల్యేలకు గన్ మెన్లను తొలగించారు. మొత్తం 32 మంది గన్‌మెన్లను వెనక్కి పిలిచారు.