బ్రోచేవారెవ‌రురా… టైటిల్‌తోనే ఆక‌ట్టుకున్న సినిమా. ఈ సినిమాలో త‌న పాత్ర గురించి నివేదా థామ‌స్ ఆ మ‌ధ్య గొప్ప‌గా చెప్ప‌డంతో సినిమాపై అమాంతం క్రేజ్ పెరిగింది. రీసెంట్ టైమ్స్ లో హీరో లుక్ రివీల్ చేసిన చిత్ర యూనిట్ తాజాగా హీరోయిన్ లుక్‌ను ఆవిష్క‌రించింది. ఈ స్టిల్‌లో మ‌ల‌యాళీ బ్యూటీ నివేదా థామ‌స్ క్లాసిక‌ల్ డ్యాన్స‌ర్ పాత్ర‌లో ఆక‌ట్టుకుంటున్నారు. చూసిన ప్ర‌తి ఒక్క‌రూ స్టిల్‌ బావుంద‌ని మెచ్చుకుంటున్నారు. వివేక్ ఆత్రేయ ద‌ర్శ‌క‌త్వం వ‌హించిన చిత్రం బ్రోచేవారెవ‌రురా. చ‌ల‌న‌మే చిత్ర‌ము, చిత్ర‌మే చ‌ల‌న‌ము అనే ట్యాగ్‌లైన్ టైటిల్‌కు అద‌న‌పు ఆక‌ర్ష‌ణ.
ఈ మూవీలో స‌త్య‌దేవ్‌, నివేదా పెతురాజ్ కీల‌క పాత్ర‌ల్లో క‌నిపిస్తారు. ఇంకా ప్రియ‌ద‌ర్శి, రాహుల్ రామ‌కృష్ణ సపోర్టింగ్ పాత్ర‌ల‌తో మెప్పిస్తారు. వివేక్ సాగ‌ర్ సంగీతాన్ని స‌మ‌కూరుస్తున్నారు. బ్రోచేవారెవ‌రురా షూటింగ్ పూర్త‌యింది. ప్ర‌స్తుతం పోస్ట్ ప్రొడ‌క్ష‌న్ ప‌నులు జ‌రుగుతున్నాయి. మ‌న్యం ప్రొడ‌క్ష‌న్స్ ప‌తాకంపై విజ‌య్ కుమార్ మ‌న్యం ఈ చిత్రాన్ని నిర్మిస్తున్నారు. మేలో చిత్రాన్ని విడుద‌ల చేయ‌డానికి స‌న్నాహాలు జ‌రుగుతున్నాయి.
