కాంగ్రెస్ ఓడిపోతే సీఎం పదవికి రాజీనామా చేస్తాః పంజాబ్ సీఎం

పంజాబ్ ముఖ్యమంత్రి కెప్టెన్ అమరీందర్ సింగ్ సంచలన వ్యాఖ్యలు చేశారు. పార్లమెంట్ ఎన్నికల ఫలితాల్లో పంజాబ్ లో కాంగ్రెస్ పార్టీకి మేము అనుకున్నన్ని సీట్లు రాకుంటే తాను ముఖ్యమంత్రి పదవికి రాజీనామా చేస్తానని ప్రకటించారు. అనుకున్నన్ని స్ధానాల్లో కాంగ్రెస్ గెలవకపోతే ఆ బాధ్యతను తాను తీసుకుంటానని తెలిపారు. అలాగే, మంత్రులు, ఎమ్మెల్యేలు కూడా ఇందుకు బాధ్యత తీసుకోవాలన్నారు.

ఈ పార్లమెంట్ ఎన్నికల్లో కాంగ్రెస్ పార్టీ 13 లోక్ సభ స్ధానాల్లో విజయం సాధిస్తుందని చెప్పారు. 2014ఎన్నికల్లో పంజాబ్ లో కాంగ్రెస్ పార్టీకి 13సీట్లకు గాను 3 స్ధానాల్లో విజయం సాధించగా..బీజేపీ 6, ఆప్ 4 స్ధానాల్లో విజయం సాధించింది. గత ఎన్నికల్లో 117 అసెంబ్లీ స్ధానాలకు గాను 77 సీట్లు గెలచి అధికారంలోకి వచ్చింది కాంగ్రెస్. తుది విడతలో భాగంగా మే 19న పంజాబ్ లో పార్లమెంట్ ఎన్నికలు జరుగనున్నాయి.